सिम्रिकको सामाजिक उत्तरदायित्व खर्च १० लाख भन्दाबढी



 

बिर्तामोड– सिम्रिक बचत तथा ऋण सहकारी संस्थाले सामाजिक उत्तरदायित्व अन्तरगत मङ्सिरमा ८ लाख ४ हजार ६९५ रुपैयाँ खर्च गरेको छ । चालु पुस महिनामा यस्तो सुविधा वापत तीन लाख ९५ हजार २१० रुपैयाँ खर्च भइसकेको  छ।

सदस्य वा उनको परिवारका कोही सदस्य बिरामी भएमा उपचार सुविधा, मृत्यु भएमा मृत्यु राहत तथा ऋणी सदस्यको मृत्यु भएमा कर्जा मिनाहा गर्दा उक्त रकम खर्च भएको हो ।

यसैबीच, सिम्रिकले पुस १४ गते सोमबार गोलधाप सेवा केन्द्र अन्तरगत एकै परिवारका तीनजना सदस्यलाई ४५ हजार रुपैयाँ उपचार सुविधा प्रदान गरेको सेवा केन्द्र प्रमुख गोपाल विष्टले बताए ।

शेयर सदस्य हरिमाया आचार्यलाई पत्थरीको शल्यक्रिया गर्न २२ हजार ५०० रुपैयाँ, अर्जुनकुमार आचार्यकी श्रीमतीको उपचार सहयोग वापत ११ हजार २५० र निरु आचार्यकी सासूआमाको उपचार खर्च सहयोगवापत ११ हजार २५० रुपैयाँ गरी एकमुष्ठ ४५ हजार रुपैयाँ हस्तान्तरण गरिएको हो ।

संस्थाका सचिव इन्द्रबहादुर कार्कीसहित विभागीय प्रमुख र कर्मचारीहरुले सो सेवा केन्द्रका तीनजना सदस्यहरुलाई पनि सोमबार नै सुत्केरी पोषण खर्च वापत जनही १५ सय रुपैयाँ प्रदान गरेका छन् ।

पुस १४ गते सोमबार नै संस्थाले शनिश्चरे सेवा केन्द्रका सदस्य पुष्पा दाहालको पित्तथैलीको शल्यक्रिया वापत २२ हजार ५०० रुपैयाँ र दुहागढी सेवा केन्द्रका सदस्य लक्ष्मी राईलाई अस्पतालको बेडचार्ज वापत २० हजार रुपैयाँ प्रदान गरिएको छ ।

संस्थाका विभागीय प्रमुख विजय बस्नेतका अनुसार बिर्तामोड सेवा केन्द्रका सदस्य डम्बरकुमारी रिमालको छोराको टाउकोको शल्यक्रिया उपचार राहत वापत १७ हजार ५०० रुपैयाँ प्रदान गरिएको छ ।